Сцежкамі роднага краю з “Беларустурыст”

Культурна-дасугавая дзейнасць - адзін з напрамкаў работы Воранаўскага раённага камітэта прафсаюза работнікаў адукацыі і навукі. Па ініцыятыве старшыні раённага камітэта галіновага прафсаюза Ірыны Генрыхаўны Зубель сумесна са спецыялістамі Лідскага прадстаўніцтва “Гроднатурыст” арганізавана і праведзена цікавая экскурсіі па гістарычных мясцінах нашай Радзімы.

 

Прафсаюзныя лідары і члены раённай прафсаюзнай арганізацыі 8 лістапада здзейснілі экскурсію па маршруце Воранава-Навагрудак-Мір-Мінск. Удзельнікі турыстычнай групы пабывалі ў Навагрудку, на радзіме Адама Міцкевіча, – генія польскай літаратуры, нашага слыннага земляка.

Вялікую цікавасць выклікала наведванне Мірскага замка. Падчас экскурсіі азнёміліся з побытам мінулых стагоддзяў, даведаліся пра гісторыю роду і лад жыцця ўладальнікаў замка, убачылі ўнікальныя ўзоры мэблі, зборы твораў жывапісу і каштоўных прадметаў ужытковага мастацтва радзівілаўскіх мануфактур, фрагмент пакінутай арыгінальнай сцяны з рознымі тыпамі кладкі, пакручастыя звілістыя лесвіцы.

Прадаўжэннем падарожжа было наведванне Мінска. Шмат цікавага даведаліся з гісторыі горада. Пешая аглядная экскурсія па горадзе распачалася з наведвання плошчы Свабоды, дзе высіцца прыгожы белы будынак Мінскай ратушы. Прагуляліся па гістарычнаму Верхняму гораду, пазнаёміліся з унікальнай архітэктурай Мінска, захапляліся велічнасцю і прыгажосцю адной з найцікавейшых пабудоў дваццатага стагоддзя ў Мінску-святыні Беларусі, Чырвонага касцёла, узнавілі ў памяці прыгожую легенду аб яго ўзнікненні.

Напрыканцы вандроўкі ўдзельнікі турыстычнай групы пабывалі ў Беларускім дзяржаўным акадэмічным музычным тэатры. Непаўторныя ўражанні засталіся ад прагледжанага мюзікла “Джэйн Эйр”.